आज के रचना

उहो,अब की पास कर गया ( कहानी ), तमस और साम्‍प्रदायिकता ( आलेख ),समाज सुधारक गुरु संत घासीदास ( आलेख)

शनिवार, 23 अक्तूबर 2021

बने दिन

राजा ह, उछाह म गरजिस,
'बने दिन  अवइय्या हे'

मंत्री मन मुचमुचइस,
'बने दिन  अवइय्या हे'

अधिकारी मन गदकिन,
'बने दिन  अवइय्या हे'

करमचारी मन छटपटइन,
'बने दिन  अवइय्या हे'

जनता ह जोशियाईस,
'बने दिन  अवइय्या हे'

शहेर-नंगर ह चिचियाइस,
'बने दिन  अवइय्या हे'

गोठ ह गाँव के मंगलू कर पँहुचिस,
'बने दिन  अवइय्या हे'

मंगलू ,बुजरुग चैतू ल सोरियाईस,
'बने दिन  अवइय्या हे'

सियान ह सुनिस, गुनिस अऊ बरजिस,
'सबे दिन बने हे ग',
"बने दिन आये नही,लाने जथे"

परछी म ओरमे,धंधाय पिंजरा ले
मिठ्ठू ह ,किररईस
'बने दिन  अवइय्या हे'

              © टीका देशमुख
             तेंदुभाठा (बकरकट्टा)
              जिला- राजनांदगाँव

कोई टिप्पणी नहीं:

एक टिप्पणी भेजें